|
|
My Hart
Die hart is ʼn ragfyn
spinnerak
met onsigbare draadjies geweef.
Waar daar in die oggendskemer,
blink druppels verlange aan kleef,
wat onderstebo prentjies van my wêreld
in skadugedagtes laat leef.
ʼn Web met ʼn sware druppellas,
moet met baie sorg hanteer word,
want selfs net ʼn harde fluister,
kan sy onseker bestaan verkort;
dalk net ʼn stukkie afskeur;
of alles in mekaar laat stort.
|
