|
|
Hartversaking
Jy sê dat ons bedoel is vir mekaar,
dat jy my liefhet, maar tog
skeur jy my hart uitmekaar,
terwyl jy ongeërg voortgaan
sleep jy my hart saam,
deur stof en dorings en grond,
oor klippe en sypaadjies en drade,
en dan vra jy vir my:
“Is jy okay?”
Klaarblyklik is ek nie, aangesien
bloed binne in harte hoort.
Maar miskien het ek dit verdien
want ek het self al ‘n hart of twee
van die tafel afgevee
sonder om te dink oor die seer
wat ‘n hart so maklik ervaar.
So as jy dit oor jou hart kan kry,
laat myne eerder nou agterbly.
|
