Derde Huwelik

Spierwit tafels, kers, en kant

'n feetjierok in lint gebind.

Die derde keer die goue pand

eindelik geluk gevind.

Reeds opgeskoot die eerste kind

wat blosend by die ingang staan

waar gaste skepties 'n heildronk klink,

en die nuwe skoonma pik ‘n traan.

Lank sal sy lewe...

die brommer land netjies op die koek

Lank sal hy lewe...

en lê ‘n maaiereier in die hoek.

© Kopiereg - Karel Ark, Alle regte voorbehou