TommyW

TommyW

ode vir die liefde
Bewaar jou sinne
assie liefde sonner voorbehoud
jou sinne oorneem en wat voorheen
so logies was glad nie meer sin maak nie.

Dis so onregverdig
as jy twintig jaar plus is word jy met n verhouding
toevertrou maar niemand se vir jou da is n klomp
rolle in hierrie toneelstuk oor die volgende veertig jaar
wat jy sal moet suksesvol speel anners word jou rol deur
iemand anners oorgeneem wat ook maar nie allie
woorde ken nie.

Die nag se swart karos gee vir my groot koestering
waaronder ek gemaklik voel maar het ook die
geneigtheid om die maskerslot van my hart
te ontsluit.
Die sagte lig van begindag dink ek kom van die
paradys af want daar is niks vals innie selfs die
belofte van die dag wat kom le nog ongeskonde
sonner 'n spoor van die mens daarin.

(terug)

Ek wens
Sommige aande soos vanaand ontwyk die slaap my.
Sulke aande spandeer ek aan dink en verlang.
Meeste van hierdie aande is ek so onmeetlik alleen
en verlang ek na n deelmens wat ek weet daar buite is
en net soveel na my verlang al ken sy my nog nie.

Ek wens ek kan vanaand die rooi sonsondergang wat netnou was vir jou toedraai en vir jou gee as n kleinnoot om jou warm te hou.

Ek wens ek kan my hart se verlang vir jou wys en weet dat jy daai skerppunte met liefde sal toemaak en sommer net sal verstaan.

Ek wens ek kan saam jou lag tot ons huil want beide moet ons saam kan ervaar want anners issi lewe stomp en afgesaag.

Ek wens jy wil in die diep donker van die donkermaan by ny kom lepelle omdat die beskerming van my lyfholte vir jou geborgenheid gee.

(terug)