|
| O.J. Du Preez |
|
1. Wit vlag
|
11. Paulus 17. Drie honderd en een gedigte
|
21. Salomo
|
|
Wit vlag Die duiwel lag Verlekker homself oor My wit vlag. Moed verloor – Vryheid, vreugde opgegee as borg – Die duiwel lag harder. Ek het niks; Dit was nie die moeite werd – Ek gee op Te laat Skade is reeds gedoen Te laat! My wit vlag wapper My wit vlag wapper… (terug) Bang Koei – geraamtes in die kas Vat my hand Slapende honde blaf Streel my gesig Grafte van herhinnering Soen my Die spoke staan op Bang (terug) Die bakker Drie mandjies vol brood Die beste brood Die beste baksel – my beste dag! Die voels kom; Ek weet wat kom. Ek weet wat kom (terug) Genesis Oor begin: Ek gaan nie weer my rib vir jou gee nie. Appels van versoeking, Appels van wraak, Appels van skaamte, Ek gaan nie weer my rib vir jou gee nie. Oor begin: Appels van vergifnis. (terug) Klipgooi-hart Gooi dit so ver as wat jy kan, Laat dit gly - en - wip op die water; Totdat dit val, totdat ek sink… Gooi dit deur ‘n venster, Laat dit breek – en – verwoes; Totdat dit val, totdat ek breek… (terug) Selfbeheersing Skree spoeg slaan Vredesvergruising Liefdesvernietiging- Mag Obsessie; woede. Bang benoud beknop Versoeningslus Verafskuwingsvrylating Vry Skaam; vrede. (terug) Wek Een duisend een honderd vyf en twintig dae later: Soet lug, vars lug, geel son, heel son. Reinkarnasie. Genesis; groei bloei Bloed, asem, lewe – Opgewek, Opgestaan. Asem. (terug) Job Stelselmatige verbrokkeling Stadige verkrummeling Verbrokkel Graduaal Geduldig Sielsinstorting Geduldig Sielestryd Geduldig Graduale vertering Verkrummel Geduldig Sieleheil Geduldig. (terug) Jona Bevraagteken noodlot – Hoekom ek? Skuldgevoelens sluk my in Drie dae soos jare Drie donker nagte soos drie jare Wie is ek om te oordeel? Skaam Veroordeeld Inwoner van Ninive. (terug) Parool Versoeking weereens; nogsteeds Leer jy nie jou les? Selektiewe geheueverlies. Euwel euforie Leer jy nie jou les? Hardkoppig naïf. (terug) Paulus Kleipot: Alledaags, gewoon - breekbaar; Versteekte broosheid. Alleen: Gevul met goud – vol; Versteekte eensaamheid. (terug) Thomas Naïwe verskonings Aspris verskonings – Geloof bestaan nie Geloof is weg Geloof ontwaak. (terug) Verskrikkeling “Ek het jou lief” – Eggenoot. “Pappa” – Vader. (terug) Adam Versoeking, vrou Sonder rib, sonder hart Sondaar Verbode vrug Sondaar Mens, man Sondaar (terug) Asem Geboorte; tweede asem – Vryheid wink Nuwe lewe: miskien, hopelik, asseblief! Vryheid wink Lukraak keuse; betwyfeld, bang – Vryheid wink Vryheid wink. (terug) Begin Geboorte Reen Somer Dagbreek Dood. (terug) Drie honderd en een gedigte Eerste honderd: Jou lang bruin hare, Jou bruin glinsterende oë, jou sagte sagte lippe, jou sagte engeltjie stem, jou vol glimlag. Tweede honderd: Ons skielike onverwagse ontmoeting, Ons handjies-vas-hou en skaam drukkies, Ons passievolle soene en skaamtelose nagte saam, Ons drome en planne vir die toekoms, Ons… Derde honderd: Jou kwynende glimlag en dowwe oë, Jou woede my woede, Die begin van die einde Afdraand, Jou leë kas en onversteurde kussing. Die laaste gedig: Ongenooide gedagtes en herinnerings, Jou gesig jou stem in 'n droom My woede my wraak my wreedheid Geen trane meer Totsiens. (terug) Herder Verlore skaap Verlore siel, gebroke siel. Verpletterd Geskop geslaan gespoeg Verneder. Ek sien die lig. Ek sien die lig. (terug) Langbeenspinnekop Jou prooi, jou prys toegespin in jou web Tergend, arrogant sluk my in, spoeg my uit en laat vaar Vir nou Nou nou is jy terug Nadat jy n nog n imbesiel gevang het Nou nou is jy terug Klaar verveeld. Nou nou kruip jy terug Tergend verlos jy my Maar nie vir lank Arrogant maak jy wat jy wil. Sterker. Slimmer, wyser Probeer my vang! (terug) Leuenaar - son Helder – oor - dag wegkruipertjie Koud Wolke skielik: Digte skuiling, Leuenaar Lafaard! More More sal hoop weer uitstraal? (terug) Salomo Somer het aangebreek Ouer. Oorgangsjare, uiteindelik In die somer Ouer. Reën bring groei En wysheid Ouer Wyser. (terug) Slang Lokkend dagend tartend Naderende slang; Versoeking verlei my Laggend jagend dreigend Gelukkige slang, Spottende tartende slang; Versoeking oorwin my (terug) Slim vang haar baas Jy is baie intelligent, dit moet ek bieg : geloof politiek sport musiek fantasties vol punte almal klap hande; dit moet ek bieg : mense kennis gevoelens ek vrot nul uit honderd slim vang haar baas (terug) Sodom Uithangplek Paradys Elke nag - Geen spyt Geen reëls Geen stop Elke nag – Vals euforie Vals vreugde Vals paradys Elke nag Sodom Elke nag… (terug) Soutpilaar My grootste fout. My familie verkoop vir lensiesop Jou aanvaarding : Jou vals oor Jou glibberige glimlag. Self martelaar, masochis. Soutpilaar. (terug) T. N. T. Giftig, gevaarlik, genadeloos Het ons liefde geblom. Torings gebou Brûe gebou Óns huis gebou Stewig solied was alles Perfek was alles. Al jou planne ontplof Ons torings verbrokkel, Ons brûe verbrokkel. Ons ontplof. Giftig, gevaarlik, genadeloos Verbrokkel ek (terug) Verbode vrugte Versoeking flirtasie Speel - speel verlief Speel – speel té ver nee, nie ver genoeg nóg verder nóg verder! Ver genoeg. (terug) |
| © Kopiereg - Karel Ark, Alle regte voorbehou. O.J. Du Preez hou die kopiereg van die gedigte op hierdie bladsy. |