Johan Marais

Johan Marais

Ek en Jy
Kom ons gaan plak...ek en jy
Waar ons eina en seer kan vermy
Waar die daeraad ons nie ken
Waar daar niks is om ons vas te pen.

Waar die mores 'n vreugde is
Waar niemand ons verledes wis
Waar ons die aande ons eie maak
Waar slegs vrede en geluk ons aanraak.

Ek en jy...alleen…alleen...alleen
Op ons droomreis na nerens heen
Liefde, vrede en geluk
Die vrugte wat ons sal pluk.

(terug)

Plooie
Plooie – spore van mamma wees
Van snags sit en stories lees
Van op die kniee voor God deurbring
Van saggies praat en liedjies sing.

Van al die gisters se einas en pyn
Van al die mores se wensdenkery
Haar hart verootmoedig voor God
Haar kinders geleer van Sy gebod.

Van trane wegpik in die nag
Van hartseer en van lag
Van bekommer oor wat gaan gebeur
Van hart oopmaak voor die Heer.

Van werk en kinders grootmaak
Soms alleen maar dit was haar taak
Nooit gesê ek sal dit nie doen
Met haar liefdesopdrag het sy versoen.

(terug)

Sagte Bries
Soos ‘n sagte briesie het dit begin
‘n Tere gevoel…hier diep binne in
Saggies en teer het dit na buite gekom
‘n liefde …soos ‘n lelie oopgeblom.

Dit wat ek hier binne vir jou voel
Is skoon en rein…opreg so bedoel
Jy is die een waarna ek smag
Met liefde koester elke dag.

Mag dit wat tussen ons ontwaak
Ons soos die daeraad in reinheid aanraak
Mag die einas en seerkry van die verlede
Vergete raak …in hul plek…geluk en vrede

Met respek en liefde sal ek jou bemin
Net eerbied en ootmoed aan jou bring
Mag God ons toekoms seën
Met krag en liefde…op ons paaie heen.

(terug)

My gebed
Soms wonder ‘n mens
Soms ‘n gedagte en soms ‘n wens
Wat het geword van die droom
Of is geluk net ‘n idioom.

Ek het liefde en geluk van God gevra
‘n Vrou wat my op die hande dra.
Hy het my so iemand gegee
Maar my optrede het dit uitgevee.

Hoekom kom die vreemdeling na vore
Is geluk my nie beskrore
Kan ek nie dan nie geluk waardeer
Dit kom dan van onse Heer.

Ek sal wat wou gee
Om die pyn en hartseer weg te vee
Om die liefde en geluk
Met vrede in my te kan pluk.

My gebed vanaand, o Heer
Leer my om ‘n vrou te waardeer
Om vir haar te gee
Liefde, geluk en vree.

(terug)