Johan Baruch Harosh
1. Verkeer


Verkeer
Blink staalstrome
rokende riviere
opgehoopte ongeduld
aansluitende instromende frustrasie bane
flitsende lawaaierige sirene vergeselde blouligte, rooiligte
kronkelende rooi en wit slange
vrot gasse uit knorrende ingewandes
inhokkende sement en teerkanale
uitvloeiende kleinerwordende systrome
rooikolletjie groenpyltjie groenkolletjie geelkolletjie rooikolletjie…
beheergek manipulerende aanwysende instruksiegewende halfskeefgestampte paal
jakaranda omsingelde stopteken
kinders met ‘n bal
brood en melk
enkelbaanoprit huis toe
alleen

(terug)