J. Grobbelaar
1. My Liefste...


My Liefste...

Ek bloei my malende emosies
oor jou suisende stilte uit.
Jy luister...

Ek vind vrede in die krake van jou wysheid
Jy verdamp my trane met jou warm waaiende woorde
sonbesie akoorde wat my kankerseer amputeer.
Jy troos my...

Ek wil my opkrul teen jou gladde bruin vel
en my siel vir jou hart gee.
Jy omhels my...

Ek wil jou geur inasem en jou eerlike eenvoud
deur my dorre are voel skree.
Jy verdoof my...

Ek wil jou soen voor ons oe sluit
en jou sonpilare verkrummel
en jou hemel haar storte oor ons oopdraai

Jy glimlag warm en genees my
Jy's my liefste Karoo

(terug)