|
| Franzette |
|
1. Van Verlange 9. (Jou laaste goedjies is uit die kas)
|
11. Asb. Nie
|
|
Van Verlange Jy’s die een wat altyd lag Al was dit nie rêrig ‘n lekker dag En wanneer ek moeg en moedeloos jou bel Was jy altyd gereed om vir my ‘n grappie te vertel En ernstig, ja, dit kon jy wees Maar deur dit als, bly jy ‘n fees Want dis wysheid wat daar praat En so, so skielik gee jy raad Van goeters en dinge wat my pla En ander kere se jy net, ja Van die aarde is jy weg So onverwags, so sleg Ons het dit nie so verwag want, Want die spuitnaald was eens jou beste pêl Ja, jy was ook, soos baie ander, deur daardie hel Noupoort het jy gehaat Maar ons het bly glo, en jou daar gelaat En skoon, skoon het jy vir kinders geleer Hoe om ‘n tennisbal te hanteer Maar die Sondag oggend met my foon se lui Het ek geweet waarop jou pa se stemtoon dui In ‘n motor ongeluk moes jy sterf Jy’s vir altyd in my geheue gekerf Op jou kop, altyd ‘n pet Jou sonverkleurde vel Jou woorde wat my red Jou nommer op my sel… ek sien jou soms in die straat maar dis my verbeelding wat daar praat ek hoor jou stem in die stad maar ek weet jy stap nie meer darie pad Markus, die dae verby was goed Ek voel jou steeds in my bloed ek onthou jou, nou ek sal altyd aanhou onthou (terug) Van ken en nie ken Ek het jou soos ‘n skulpie opgepas Jou toegevou in ‘n tissue En gebêre in my jas Maar jy is nie dood nie Soos ‘n slak het jy uitgekruip En net die dop gelos En toe ken ek jou nie meer? Eens het ek elke ronding en kleur geken Want jy’t my hart gewen Sonder dat ek geweet het was jy daar Maar jy was nie Waar was jy? As ek geweet het dat jy kon dink Sou ek nooit toegelaat het Dat die skulpie In my sak begin stink (terug) Beelde In hierdie malhuis van gesigte En vroue wat se polvye in my oë trap Is weerkaatsende ruite Wat flikker-flikker oor my siel stap In die roetlug van die nag Ritsel die bruin-groen gras En iemand fluister sag Deur gebarste lippe vas In die rooskleur van ‘n rotstuin Juig vlermuise En vat my bewussyn Saam in die maanlose huise Die judasstreek van jou aangesig Laat glinster die blou son En verwurg My in my eie koekon Waar die swart lelies huil Oor jou en my Voel ek dood in my skuil As skaduwees oor my wei Waar die vrot vrolik glimlag En swart spore oor my hart loop Sien ek jou voetspoor Verdwyn in die stille nag. (terug) Jy Kom gooi ou klere op die reukaltaar Laat dit ‘n aangename geur versprei Ek wil dit in my hart bewaar Dat dit altyd by my bly Die heuningdou op jou mond Maak jou lewe gesond Jou skiet gebed Red mense uit Satan se web Jy’s ongeskonde Jy’s ongereb Wees altyd aan God verbonde “Dit is die lewe se resep” en as jy eendag weg moet gaan, bly jou almelewe glimlag die aarde se wentelbaan (terug) Verlang Ek verlang na jou… Ek wens jy was nou hier Jy wat aan my gedagtes kou Want as jy aan my vat Bons my hart En wip-wip Tot waar jy sit Jou hartedief Ek het jou… Al sal ek dit nog nie sê Want, is dit wat jy wil hê? (terug) Vryheid Die prent was pikturaal Met ‘n bliksemsnel daardeur Die kunstenaar was besonder begaafd Met ‘n duisend woorde Agter Sy naam Hy was naak en skaam- Maar, op-die-man-af En toe, kraai die haan En iewers, hoor ek ‘n hond blaf Al’s is afgryslik Ek hoor mense snik En die bliksemsnel Is nou die hel Die mensdom was vry Net nie Nuwe Hemel was oor Verbeel ek my Of is dit kore wat ek hoor? (terug) Verlore Dit was alles so vinnig Ek’t rêrig gedink jy gee om Ek was verkeerd Daarom Bly ons stil Miskien was hy te dronk Om te sien ek’s te jonk Ons was soos ‘n lied Sonder ‘n refrein Alles is tot niet It was “all in vain” Partytjies in die voorhuis Partytjies in die straat Partytjies tussen lakens En nou, is dit te laat Slaap my kindjie slaap sag Onder dorings vannag Straal ‘n sonskyn in jou lag Bêre dit in koue krag… (terug) Vrae “Die lewe is unfair” Het jy gesê En jou kop geleun Dat die stoel se kopstuk jou steun Ek weet nie wat om vir jou te sê Ek weet nie wat om… “Hoekom hoekom?” Het jy gevra Ek wens ek kon jou seer vir jou dra Want dit lyk swaar Om ‘n kind te wil hê En nie een te kan baar Miskien is dit nie die regte tyd Probeer ek jou pyn stuit Maar ek weet dit help nie Want wat weet ek Al wat ek doen is werk Jy’t tee gaan maak Ek’t opgekyk na die sterre Vir die eerste keer hulle probeer raak Dis seker hoe jy moet voel die wind hier buite is koel (terug) (Jou laaste goedjies is uit die kas) Jou laaste goedjies is uit die kas Ek skuif die hangers en hang my nuwe jas. Hier in die oop oop spasie van die kas se maag Word die geheue aan jou baie vaag Na jou uitloop Het ek besef Dat die mure kan spook Jyt nogsteeds ‘n oorhef Vandat jy weg is Kan ek doen wat ek wil Maar daar is geen rus Want my kop word nie stil Dit is eensaam sonder jou hier Ek kan nie ophou dink So ek drink nog ‘n J’nB Is dit die duiwel wat vir my wink? Ek sien jou saam haar Nie in die strate Maar in my kop is dit waar? Jyt selfs die klokkie gevat Die kookboeke Vir wat? Ek voel geen skaamte Ek voel nie seer Al is my lyf geraamte My siel kan jy nie keer. (terug) Een en twintig Hoe kon ek moontlik Geweet het wat ek wou gehad het Toe ek net 21 was? Daar is miljoene mense Wat my raad gee en se wat ek moet doen Maar hulle doen dit net vir hulle self Dat hulle nie skaam hoef te kry vir my Elke invloed wat jy op my gehad het Sal altyd wees As ek jou stief behandel het Het ek dit regtig nie bedoel nie Maar jy weet hoe dit is en hoe ‘n Swangerskap mens kan verander Ek sien baie klere waarvan ek hou Maar ek gaan vir ‘n ruk nie Uitgaan nie Al wat ek wil doen is om hier te sit “is jy bang”het jy gevra Ek’t gesê, ja. (terug) Asb. Nie Moet my nooit probeer verander Want ek wil nie. Nes ek is, soos ‘n brander Moet my asb. Nooit probeer verander. Want ek hou van myself Net soos ek is. Die lewe het my so gewis Moenie in my siel probeer delf. Want jy sal soos ‘n spons Vol deurmekaar Daar uitloop. Vol nie verstaan Miskien gedaan. Aan die begin Lyk dit pret Om deurmekaar te wees En my te probeer red Maar na ‘n tyd Sal jy verstaan Dat dit nie kan gebeur Jy kan my nie keer. Die lewe het sy spel gespeel Daar is g’n verweer Geen woorde Geen akkoorde So moet my nie probeer verander Want ek wil nie Nes ek is, soos ‘n brander Moet my asb. nie probeer verander (terug) (Hoekom heg ek waarde) Hoekom heg ek waarde Aan die lewe Alles hier op aarde Hoekom maak dit saak Of die lewe sin maak? Hoekom so baklei Vir ‘n plekkie om te bly Hoekom twak praat As om eerder sin te maak? Hoekom rook? Hoekom nie rook? Hoekom vasklou Aan iets wat nie gaan hou Hoekom hier lê As ek kan lief hê? Vir wat dit werd is Dis hoekom ek jou so mis. (terug) Geraamte dans Almal het op ‘n manier Iets nie lekker hier Vat ‘n kans Laat jou geraamtes dans. My geraamte uit die kas Dans die tango met my jas Ek voel so vry As hy so lekker kry Draai en draai Om en om My hare waai My voete voel dom. Leer die bene Hoe om te werk Wat niemand weet Nie eers die kerk Want net ek Ken my geraamte En hoe hy dans Want net ek Vat ‘n kans Om met my geraamtes te dans (terug) (Ek los die dorpie) Ek los die dorpie Agter my Dis die stad Wat my gedagtes ry Wil die wind weer in my hare voel Wil die liggies In die aand sien gloei Wil die lewe in die “fast lane’ proe Waar die geld so vinnig vinnig vloei Onverstaanbaar? Onverstaanbaar Dis vir hulle Onverstaanbaar. Die mense in die dorpie Wil niemand niks ooit gun nie Vra nie baie geld ooit hier nie Sukkel voort drink nog ‘n biertjie Hulle hou van sport en rugby Hulle weet niks van kultuur nie. Ek los die dorpie agter my na die stad is waar ek net wil ry daar is meer te doen meer mense al my vriende ken hul grense Onverstaanbaar Onverstaanbaar. Dis vir hulle Onverstaanbaar, Hoe’s dit moontlik Dit is Godom Nee Gemora Byt jou lip. Ek los die dorpie agter my Die mans wat trou En kinders kry Want dis al te doen In hierdie plek Dit maak my sommer Sommer gek. (terug) |
| © Kopiereg - Karel Ark, Alle regte voorbehou. Franzette hou die kopiereg van die gedigte op hierdie bladsy. |