Desire Oosthuizen
1. My hart lê op die grond



My hart lê op die grond
Een rooi massa, bebloed, seer en sonder vorm
Gedagtes ‘n warboel van emosie
Daar is ‘n gat in my lyf, ek skree, ek krul, ek gil ek voel
Dag vir dag, uur tot uur sleep ek voort
Ek kan nie, ek wil nie, ek sal nie
Woede, hartseer, pyn…die ewig verdomde dofkloppende pyn

Alleen fetus in ‘n gat
Aorta slepend agterna
Verlos my van my steeds kloppende hart
Ek het seer, ek kan nie meer hyg ek dit uit
My man is dood, hoor julle my, my man is dood
Los my uit, los my uit ek wil net hier lê...

(terug)