Carmen du Plooy
1. Eerlik


Eerlik
die lewe wat ek lei
in al sy kunsmatigheid
het verdor
in die afwesigheid van perspektief
en die stukke wat oorbly
is toe onder die stof -
realiteit

want jy kan net so lank vir jouself jok
en jy kan net so vinnig vir jouself weghardloop voordat jy jouself inhaal en sodra die spieel vir jou die werklikheid wys is terugdraai nie 'n opsie nie en begin jy hoop teen alle hoop dat more hom sal oopmaak -

dan
verstaan jy wat dit werklik beteken
om met jouself
een alleen
eerlik te wees

die afwesigheid van geheime
en skadu-skanse
veroorsaak 'n kaalvoet staptog
deur die lewe
waar elke doring
elke klip
wat deurdring tot jou siel
en jou gewete deurboor

herinner
aan die verlede
en spookdrome
van jou verleentheid
en dit laat mens wonder
oor die prys
van liefde
en skielik besef jy
dat eerlikheid
al is wat jy het

(terug)