Boerseun

1. Die Duister Son

Die Duister Son Die velde lag en speel gelate in die goue gloed van die somerson geel grasse buig en wuif hul sade in n godsdiens geel ritueel wiegend wuiwend dans hul heen en weer die bevrugtings ballade van die geel grassade in die rielle ritme van die westerwinde getooi en geklee in feesgewade bestuif bevrug en bevry hul sade en daarbowe eensaam alleen n arend... swyend swewend Die somerson wankel die skelm skemer steel haar sprankel wyl haar laaste lewenslig langsaam huiwer blink haar skone stralekrans so suiwer vergeefs veg sy die dreigende duister sy sterf bebloed verloor haar goue gloed wyl die velde sagweg fluister... met daarbowe alleen net...die lee lug Die nagduister is n swart sluiper in die skadus skuil die skimmeskemer geklee in n grys skemerkleed dwaal die skemerskimme grou en grys n spokeskemer voor die naderende newelnag wyl die velde stilweg luister wagtend vir die donker duister DIE SKELLE GESKREE VAN DIE NAGKORHAAN verbreek die doodse spokestilte en verkondig die koms van die donkermaan met daarbowe alleen in die skemerlig... n watervoel haastig in sy vlug Aan die oosterkim verskyn die swart perd met sy ruiter in sy regterhand...die donker duister die ruiter met die donker mantel doek doof die dowwe skadu skemer tot dik duister donker sus die velde in n diepe slapesluimer in die lig van die bleek sterreflonker met alleen daarbowe... n naguil in sy vlug deur die lewelose lig Die duister donker kwyn as die swart perd met sy ruiter oor die hemelhorison verdwyn vlugtend voor die blink morester uit die skadus kruip die skemerskim en sluip skelm skelm na die westerkim met daarbowe alleen... n hadida wat die nag uitlag Aan die oosterkim verskyn die wit perd met sy ruiter in sy regterhand n hemelson wat helder skyn hy verdryf die donkernag se duister die velde ontwaak uit hul diepe slapesluimer hul aanskou die son se stralekrans so suiwer en in die verte in aantog... die swart perderuiter. (terug)

© Kopiereg - Karel Ark, Alle regte voorbehou. Boerseun hou die kopiereg van die gedigte op hierdie bladsy.