Ans Coetzee

Ans Coetzee

2. ‘n KLEINDOGTER SO SPESIAAL SOOS JY...

DOMINEE
“Wie op Jesus wag dié gee Hy krag”
Dit is die boodskap so baie deur U gebring
Waar ek platgeslaan en moedeloos wag
Is dit u wat troos en hoop in liefde bring
U laat my in geloof weer in die toekoms glo
En wat vir probleme oplossings bied van BO
Wanneer ek nagte langs ‘n siekbed sit
Die vrees en wanhoop my verouder
Kom jou hand vertroostend op my skouer
U vat ons hande saam en bid
‘n Gebed wat hoop en geloof weer laat opvlam
Vanuit my hart koud soos ‘n ysberg vol twyfel
bring u hoop en vreugde vir my mee
Soos ‘n gletser wat van ‘n ysberg los skeur
smelt en een word met die see
so laat u die twyfel uit my hart los skeur
en een word met hoop wat God gee
Dominee die Jesus eienskappe binne jou
Leer ons om meer op God te vertrou
Wanneer wanhoop en onsekerheid weer opvlam
My geloof in God se krag, laat kwyn
Bring U dominee deur Gods genade weer hoop
U laat die wanhoop en onsekerheid verdwyn
Soos die natuur elke more in geloof op God wag
so leer U my om in geloof op God te wag
Soos die strale van die son daagliks in geloof skyn
So pyn ongeloof en wanhoop dikwels binne my
U leer my bid en my probleme vir God te gee
En met dankbaarheid sy liefde te ontvang saam daarmee
Dominee u wat u Jesus eienskappe oor ons laat skyn
Maak dat alle ongeloof en wanhoop verdwyn
Wat ons geloof laat ontwaak soos die natuur
Wat tot in ewigheid sal duur

(terug)

‘n KLEINDOGTER SO SPESIAAL SOOS JY...
Wanneer jy met jou ogies opkyk na my
Ek die liefde en omgee sien blink
Besef ek hoe bevoorreg ek is
Om ‘n meisiekind so spesiaal soos jy
Wat my lewe met liefde verbly
As my kleindogter te kan hê
Hartseer wat onverwags jou pad kruis
Beroof jou van kinderlike geluk
laat jou onder emosionele druk
Dit breek my hart soos duisende stukkies glas
Wanneer traan druppels groot
jou groen ogies met hartseer laat blink
en my aan skanse teen jou seerkry laat dink
ek vra Jesus om jou op sy skoot te tel
teen sy bors roep jy jou hartseer vaarwel
Só my meisiekind kom jou hartjie tot rus
laat jy die skeiding op Jesus se leiding berus
Jou hart is met emmers liefde deur Jesus gevul
wat jy mildelik gee en harte met vreugde vul
Dankie vir dié spesiale liefde net vir my
wat my hart en lewe elke dag verbly
Jy as geskenk van Jesus aan my op aarde
Vul my lewe met soveel waarde
Ek leer jou om ongeluk uit jou lewe te hou
deur aan die voete van Jesus te sit
Die dag as Jesus my na die hemel kom haal
My meisiekind sal jy steeds weet jy is spesiaal
Want wonderlike herinneringe word behou
Want ons het ‘n lewe met liefde en gebed gebou
Dankie vir jou omgee en liefde my meisiekind
Wat jou en my vir ewig saam aan Jesus verbind

(terug)

SOOS SAND TUSSEN MY HANDE
Jesus as ek sand vashou in my hande
En dit tussen my vingers deurloop
so is ek soms hulpeloos in my geloof
ek bid en vra sonder om God te loof
Soos om water te skep met my hande
En die water deur my vingers vloei
So laat ek Gods geleenthede wegvloei
Sonder om dit vas te gryp of te gebruik
Ek leef voort in eiewaan asof God nie bestaan
Wanneer dinge gebeur op my lewenspad
Wat my eie ek laat wankel
Wil ek ongeduldige antwoorde hê van God
Waarom God dit met my laat gebeur
as ek leeg gehuil sonder emosies
in wanhoop op my knieë neersak
Word dit stil binne my en ek kry die antwoord
God U is ‘n God van liefde en omgee
Daarom laat U my op my knieë neersak
Sodat ek my eie belangrikheid kan vergeet
Want u bewaar my siel van seerkry
Keer dat ek vir ewig in die hel gaan bly
Dankie Heer U laat my nie my eie lewe beheer
U vang my sandkorrels van ongeloof
Verander dit in ‘n rots van geloof
Die lewenswater van geleenthede vang U op
en laat dit soos ‘n donderstorm oor my reën
Daarom, Jesus kan ek weer lag
My geloof is geanker in my God se krag.

(terug)

JOU SIEKTE MY MAN
My man vanoggend word ek wakker
Al die tekens van jou siekte daar
Deur vrees aangewakker
Voel ek so magteloos en onklaar
Die siekte aanval bekruip jou vinnig
Jy ruk en jy krul en het geen benul
Van die angs wat my vul
So deur jou onvermoë en swaarkry
prewel jy jou liefde vir my
Ek is soveel keer hier deur
Hoekom moet dit weer gebeur
Hulp is dringend nodig besef ek beangs
En bel vinnig die ambulans
Terwyl ek wag begin ek God stil verwyt
Het ek nie genoeg gely en gepleit?
Hoeveel keer nog begin ek wonder
Gaan God my vir beproewing uitsonder
Ek vra God wanneer gaan dit ophou
ek moet God volkome vertrou
Maar in my swakheid Heer
Vra ek maar weer en weer
Hulp kom vinnig en neem beheer
Ek prewel sag in angs
“Here gee hom nog ‘n kans”
Dit word kalm binne my
God het ons nog altyd gedra
Dikwels sonder dat ons daarvoor vra
Met u genade nog vars in gedagtes
Bid ek dankbaar tot My Heer
Aan u kom toe alle eer.

(terug)

MY BLOU OGIES KIND
Met jou ogies blou somtyds grou
Met jou laggie skaam
En jou liefde so spontaan
wen jy harte op ‘n streep
En sorg dat niemand jou kan vergeet
Ek dra jou aan Jesus op
In eerbied vra ek dat Hy moet sorg
Dat Jou blou ogies altyd blink
Sodat daar ‘n mooi toekoms op jou wink
Jou drukkies en soentjies ongevraag
Jou vreugde laggies elke dag
Jou liefde so spontaan
Dit veroorsaak dikwels ‘n traan
Van vreugde en van vrees
want jy ouma se aapstertjie
En mamma se prinsie
Hoe kan ons jou beskerm
Teen die seer van die lewe?
Ons vra Jesus om Hom oor jou te ontferm
Met dinge buite ons beheer
kan ons tog so baie van Jesus leer
Deur gebed plaas ons jou my kind
In ‘n sirkel van Jesus liefde wat jou aan Hom bind
Daarin my kind vind jy jou lewens krag
Om die lewe se eise voluit te vermag.

(terug)